Football (Coupe de France) - L'Ile-Rousse - Guingamp et Angers - CA Bastia pour les 8es de finale
(A redazzioni d'Alta Frequenza) - A scelta à a sorti di l'8i di finali di a cuppa di Francia di ballò hè stata fatta ssu ghjovi à sera in Parighji. Nant'à i 16 squadri sempri in corsa, dui clubs corsi erani cuncirnati à ssu nivellu di a cumpetizioni. L'Isula, a squadra a più chjuca chì ghjoca in CFA2 è chì hà eliminatu à Bordeaux, sarà upposta torna una volta à una furmazioni di Lega 1 ind'u stadiu Ange Casanova di u GFC Aiacciu in Mezavia, l'En Avant Guingamp, club brittonu chì colla da a Lega 2 è chì faci una billissima staghjoni in prima divisioni. Infini, u CA Bastia, squadra di Lega 2, chì hà battutu duranti u ghjiru scorsu Niort à i penalties, ghjucarà torna contr'à una furmazioni di u so campiunatu, postu chì i ghjucadori di Stefanu Rossi andarani in Angers, in corsa pà a cullata in Lega 1. Ss'ottesimi di finali sarani urganizati u marti l'11 è u marcuri u 12 di farraghju.
Steti à senta a riazzioni di u presidenti di L'Isula, Vincent Orabona, dopu à ssa scelta à a sorti, chì cunfirmeghja bè chì u scontru si ghjucarà in Mezavia.
