Football (coupe de France) - L'AC Ajaccio se qualifie à son tour pour les 16e de finale
(A redazzioni d'Alta Frequenza) - L'AC Aiacciu era aspittatu ssu dopu meziornu (dumenica) nant'à u tarrenu di Quimperlé, club ghjuchendu sei divisioni sottu à a Lega 1, pà i 32i di finali di a cuppa di Francia. Nant'à un tarrenu assai gattivu, ma micca carca à acqua, i corsi ani suffertu pà batta una squadra brittona chì hà risistutu bè è chì avaria ancu pussutu crià a surpresa. Sò i lucali d'altrondi chì ani scrittu a prima rialisazioni grazia à una bella penalità diretta da luntanu. Ma l'aiaccini ani riagitu dopu, prima nanzi à a pausa, cù un'egualisazioni di Faty. Eppo duranti u sicondu tempu, à l'ora di ghjocu, cù Eduardo. I corsi ani avutu altri uccasioni pà assicurà ssu successu, senza riescita. L'ACA si qualifiecheghja dunqua 2-1 pà i 16i di finali di a cuppa di Francia. Ritrova u SCB, u CAB è L'Isula, dinò qualificati. A Corsica sarà dunqua raprisintata da quattru clubs à ssu nivellu di a cumpetizioni, un affari mai vistu.
Sur le même sujet
