Football (Coupe de France) - 8es de finale: L'Ile-Rousse veut rééditer l'exploit contre Guingamp
(A redazzioni d'Alta Frequenza) - È s'è David battia torna à Goliath? A risposta stasera (marcuri) à u più prestu versu 6 ori è 45 à u stadiu François Coty in Aiacciu, duva L'Isula, club di CFA2, hà da ghjucà pà l'ottesimi di finali di a Cuppa di Francia contr'à a furmazioni di Lega 1 di Guingamp. Dopu avè fattu cascà calchì sittimana fà in Mezavia un'antra squadra di prima divisioni, i Girondins de Bordeaux, i balanini sunnieghjani di crià torna ssa surpresa straurdinaria è intattena ssa bella storia d'amori cù ssa donna chì si chjama "Cuppa". U FBIR, chì hà sacrificatu ss'ultimi tempi u campiunatu di CFA2 à prò d'una priparazioni più impurtanti inghjiru à ssa partita, duvaria riceva torna u sustegnu di parechji millai di parsoni ghjunti da Corsica sana.
Steti à senta l'intrenori balaninu, Christian Grazianu, cù st'intrattenu largu nanzi à a partita.
