Le Direct

Football (Coupe de France) - 16es de finale : l'AC Ajaccio se rend à Bourg-Péronnas cet après-midi

(A redazzioni d'Alta Frequenza) - Ghjocu à ballò, 16i di finali di a Cuppa di Francia issa dumenicata pà i 32 squadri sempri in corsa, frà i quali i trè squadri corsi. Prima furmazioni isulana à ghjucà, l'AC Aiacciu upposta issu dopu meziornu (sabbatu) inde l'Ain à Bourg-Péronnas, squadra di CFA. Nant'à una seria di quattru vittoria à fila qualsiasi a cumpetizioni, l'ultima essendu quilla di sababtu scorsu in campiunatu contr'à Auxerre, l'Aiaccini vularani cuntinuà di issa manera quì, passendu issu ghjiru novu. "Rossi è Bianchi" chì si misfidani malgradu tuttu di issa furmazioni di Bourg-Péronnas, avvezza à i parcorsi in Cuppa di Francia è in corsa pà cullà ind'u campiunatu Naziunali. Da u cantu di u gruppu corsu, a difesa si veda sminuita da l'assenzi di Bouhours è Maire (suspesi) eppo di Poulard (feritu). Un successu parmittaria à i ghjucadori di Olivier Pantaloni di buscà si cunfidenza in più da spirà à un mantinimentu in Lega 1, ma dinò di cuntinuà u parcorsu in Cuppa di Francia, cumpetizioni ind'a quali a squadra aiaccina hè pocu riisciuta ind'a so storia. Un scontru da principià à 2 ori, à u Stadiu Marcel Verchère, un tarrenu dedicatu di regula à i scontri di rugby.

Écoutez le capitaine de l'AC Ajaccio, Jean-Baptiste Pierazzi, avant cette rencontre.