Football (coupe de Corse) - Troisième victoire d'affilée pour Calvi, tombeur de Bonifacio (4-0)
(A redazzioni d'Alta Frequenza) - A cuppa di Corsica stà in Balagna ! In fatti, u FC Calvi, club di CFA, hà vintu pà a terza annata à a fila a cumpetizioni, battendu a JS Bunifaziu, chì ghjoca in DH, quattru reti à zeru. U FCC hà scrittu a prima à a 7a minuta, nanzi di metta ni trè altri à a 48a, à a 55a è à a 89a. A logica hè stata rispittata dunqua issa dumenica dopu meziornu ind'u stadiu d'Erbaghjolu, duva ellu ghjocu di regula u CA Bastia, i calvesi rializendu di colpu una parfurmenza storica cù issu terzu titulu cunsecutivu, davanti à più di milli parsoni. I bunifazinchi si sò bè battuti malgradu tuttu, avendu frà altru parechji uccasioni ind'u primu tempu.
Sur le même sujet
