Football (coupe de Corse) - Le trophée reste à Calvi
(A redazzioni d’Alta Frequenza) - A Cuppa di Corsica ferma in Calvi. Ma ci sarà vulsutu ad aspittà i prulungazioni arisera (marcuri) da ghjunghja ci, vistu chì l’Isula s’hè difesu à tutti i patti. U FC Calvi si busca dunqua u titulu pà u sicondu annu à a fila. I 90 primi minuti lacani i dui squadri balanini à paru. U ghjocu divintendu ancu à struppiera à u sfilà di u tempu. Calchì bella uccasioni da i dui canti, ma nisun reta signata. Da nutà quantunqua una rialisazioni rifusata à Rocchi pà Calvi à a 3a minuta. I prulungazioni aviani da andà di più à prò di i ghjucadori di Didier Santini. Dui reti guasgi à a seguita, prima da Tchokounté à a 94a minuta è un antra di Garcia à a 98a. L’affari era dunqua persu pà l’Isula è u trufeu ferma dunqua in Calvi.
Sur le même sujet
