Football (coupe de Corse) - Finale 100% balanine entre Calvi et L'Ile-Rousse
Football (coupe de Corse) - Finale 100% balanine entre Calvi et Ile-Rousse
(A redazzioni d'Alta Frequenza) - Ghjocu à ballò, finali di a cuppa di Corsica stasera (marcuri) pà una partita à 100% balanina, trà u FC Calvi, chì ghjoca in CFA, è u FC l'Isula, ella in Divisioni d'Unori. Un scontru storicu ind'u quali i calvesi sò favuriti, di pettu à i dui scali di sfarenzi cù i so vicini. Calvesi chì ani eliminatu in meza finali u novu campionu di Divisioni d'Unori, Borgu, mentri chì i ghjucadori di a cità paoilna ani battuta à Purtivechju à i penalty, dinò in DH. Una partita pà a quali sò aspittati guasgi 3 000 parsoni. L'apartura di u stadiu è di a bighjettaria si farà d'altrondi à partasi da 4 ori, nanzi à un scontru à 5 ori trà l'anziani ghjucadori di Balagna contr'à quilli di l'AC Aiacciu. Un avenimentu di prima trinca pà u rughjoni, duva tutti l'elementi sò racolti da fà chì a festa sighi riisciuta. Una finali chì principiarà à 7 ori.
Sur le même sujet
