Le Direct

Fiumorbu : polémique après qu'un élève ait parlé corse au sein d'un établissement scolaire

Fiumorbu : polémique après qu'un enseignant ait interpellé un élève ayant parlé corse au sein d'un établissement scolaire

(A ridazzioni d'Alta Frequenza) - In u cumunicatu di stampa, si faci senta Corsica Libara, parvia d’un affari ch’hè successu à u Liceu llu Fiumorbu. Di fatti, un insignanti si saria pirmissu di rimpruvarà à un ziteddu d’avè dittu dui parolli in corsu, « sò quì », soca par risponda à a chjama. Corsica Libara alza u tonu, dindu « ch’ùn si pò accittà issu cumpurtamentu d’un funziunariu in missioni ind’è no’ ». « È ùn si tratta solamenti d’un insignanti troppu primurosu lli so rimprovari, ma dinò di a cumunità educativa llu liceu, chì hà difesu à sgranfiati u so funziunariu », dici Corsica Libara. U muvimentu puliticu dumanda « à l’eletti di l’esecutivu lla cullittività, è à l’altri militanti eletti, ch’iddi dichini, incù forza, l’attaccamentu prufundu d’un populu à a so lingua », è richeri a partenza di u insignanti.