Le Direct

Finale de la coupe de France de Volley-ball : l'événement pour le GFC Ajaccio

(A redazzioni d'Alta Frequenza) - Hè l'evenimentu spurtivu di a dumenicata : a finali di a cuppa di Francia di volley ball ssa dumenica à sera à 8 ori è mezu in Parighji Coubertin trà u GFC Aiacciu, club di Ligue A è Rennes, furmazioni di Ligue B. Una finali storica pà i Corsi, chì ani fattu un billissimu parcorsu. S'è à prima vista, pari ch'ellu sighi favuritu u Gazélec, i dibattiti duvariani essa più equilibrati, parchì a squadra brittona, dighjà campiona di Ligue B, t'hà un effettivu propiu cumplettu è hà dighjà guadantu a cuppa in u 2012. Bisognu à fà casu dunqua pà i ghjucadori di Frédéric Ferrandez, ancu s'elli sò capaci ad avè un nivellu altissimu pà pudè scriva quì una di i più belli paghjini di a storia di u GFCA è un filari propiu impurtanti in u so palmares.