Fin de la grève à La Poste dans le Sartenais-Valincu
Marcuri dopu meziornu, hè statu zifratu un accordu trà a dirizzioni lla posta è l’urganisazioni sindicali chì purtaiani a greva in u Sartinesu è u Vaddincu.
I discussioni trà i dui parti purtaiani à nantu à parichji i punti : i sindicata vuliani fà senta ch’idd’erani impinsiriti, pà a prisenza è u duvintà di a posta di vicinanza in i paesa. Pari ch’iddi achini avutu, pà issu particulari, calchì guaranzia.
Hè statu dicisu dinò chì Prupià saria una cità spirimentali pà l’attività nuvativi è ghjuvativi à i cullittività lucali.
I sindicata CFDT, CGT, FO è CGT di a Posta, suddisfatti di i scambii cù a dirizzioni, ani ripresu u travaddu ghjovi matina, dopu à novi ghjorna di cunflittu.
Sur le même sujet
