FIJAIT : Sulidarità appelle à la mobilisation pour un retour à la liberté
Sampieru Andreani, anzianu prighjuneri puliticu, hè statu intarpillatu dui ghjorni fà à l’aeruportu di Marseglia : avia dicisu di parta in viaghju, ma pà a ghjustizia a s’era sfrancata di u FIJAIT, chì dà ublicazioni à l’anziani prighjuneri pulitichi di dichjarà ugni prughjettu di dispiazzamentu in ciandarmaria.
Ghjudicatu subitu, dopu à 24 ori di guardia à vista, si hà pescu 2 000€ d’amenda. Hè da nutà chì u prucuratori avia dumandatu a prighjunia.
Pà l’associu Sulidarità, issu cutidianu d’upprissioni è surviglianza hè quiddu di tutti l’anziani prighjuneri pulitichi, chì u statu francesu l’imponi un statutu di citadini limitati in i so dritti, limitendu li ancu u drittu di circulà di manera libara.
« Issi « limiti custituziunali », ch’iddu faci valè u statu da ricusà a cuufficialità di a noscia lingua è u statutu di risidenti, facini legi quand’idd’hè ora di dannà l’anziani prighjuneri pulitichi corsi, chì ani aghjà pagatu cù a so libartà a so indiatura pulitica.
À l’ora di un neci di prucessu storicu, u statu altru ùn faci chè mandà segni nigativi ! ».
L’associu manda u so sustegnu à Sampieru Andreani è chjama u populu corsu à mantena a so mubilisazioni.
Steti à senta à Thierry Casolasco, à nomu di l’associu Sulidarità