Fièvre catarrhale ovine : des mesures annoncées aux agriculteurs de Haute-Corse par le préfet
(A redazzioni d'Alta Frequenza) - A frebba catarrhale cresci di più in più in Corsica, è hà trapassatu i cunfini di a Corsica Suttana, postu chì una decina di casi hè stata dichjarata in Corsica Suprana, in piaghja urientali è più particularmenti versu Aleria. Hè par quissa chì u prifettu di Corsica Suprana, Alain Rousseau, è i serviziu di u Statu, ani ricivutu i presidenti di i camari d'agricultura di Corsica è di Corsica Suprana ma ancu i sindicati agriculi pà fà u puntu. Hè statu dittu torna à l'agricultori chì i piccaturi ubligatorii è ghjiniralizati di i bandi di pecuri, di vacchi è di capri, vali à dì più di 130 000 bestii, sarani presi in carica di modu sanu da u Statu, è si farani duranti sei mesi da fà chì l'agricultori pudessini curà à u mumentu u più bonu di pettu à i tempi chì l'animali figliarani. A quistioni di l'indennisazioni di l'allivadori chì avarani vistu i so animali tocchi hè stata ammintata dinò, senza andà più luntanu cà u nivellu di l'intenzioni, una riflessioni essendu in corsu à u ministeru di l'agricultura. È pà u Statu, s'è a Corsica devi luttà contr'à ss'epidemia chì tocca l'animali, ùn hè mancu appena par via di u fattu d'avè mancatu di prudenza da a so parti, ma sò piuttostu l'autorità sardi chì n'ani a colpa par via di un gattivu signalamentu.
On écoute Philippe Tejedor, directeur départemental de la cohésion sociale et de la protection des populations.
