Fièvre catarrhale : les agriculteurs veulent rencontrer François Hollande et dénoncent un mensonge d'état
(A redazzioni d'Alta Frequenza) - Sochju di statu, a spressioni hè lampata! Ghjè ciò ch'omu pò ritena da a comunicazioni d'urghjenza di u prisidenti di a Camara D'Agricultura di Corsica, Joseph Colombani. Iss'ultimu era accintu da u prisidenti di l'Interprufessioni Lattaghja di Corsica Antoine Ottavi, è da un raprisintanti di u CDJA 2B. Di fattu, allora chì u prifettu di rughjoni avia affirmatu chì l'Italia ùn avia mandatu nisùn nutificazioni, ducumenti trovi nantu à u situ internet europa.eu mosciani chì l'11 d'Aprili scorsu, un bilanciu di i casi di frebba pecurina in Sardegna era statu prisintatu à u Cumitatu Permanenti di a Catena Alimentaria è di a Saluta Animali in Bruxelles. Faci issu bilanciu statu di millai di casi dichjarati in u 2012 è à u primu simestru di u 2013 sopra l'isula Taliana. L'agricultori s'intarrogani dunqua fortamenti nantu à i raghjò d'un tal ritardu inquantu à u trattamentu d'issu prublema è i cundizioni di missa in baddu d'una guvernanza sanitaria nova. A situazioni peghuriscia cù sittanta bandi culpiti è si tema una cuntaminazioni cù bandi Balanini. Hè par quissa chì l'agricultori volini scuntrà à François Hollande in parsona, issu Vennari, è occuparani sempri issu ghjornu quì à 10 ori a DRAF in Aiacciu è a DDTM in Bastia.
Stemi à senta à Joseph Colombani, prisidenti di a Camara d'Agricultura di a Corsica.
