Le Direct

Fête clandestine de Bastia : un client et l'organisateur présumé en garde à vue

arnaud viornery, u prucuratori lla ripublica in Bastia, hà fattu cumunicazioni, dopu à a sirata clandistina in unu stabilimentu bastiacciu.

À senta lu, in a notti da u 8 à u 9 d’aprili, i funziunarii di pulizza llu cumissariatu sò intarvinuti, à a dumanda d’un pughjulanu, in u stabilimentu – chjusu par avali – di u portu di Toga. Ghjunti supr’à locu, ani trovu un centu di parsoni, senza mancu prutizzioni, in un lucali chì purtaia calchì risicu di veda scappà un focu, masimu chì i isciuti di succorsu erani bluccati da drintu.

À i funziunari, li sò stati lampati parichji affari à dossu, dui issendu ferti, cù un arrestu di travaddu di 2 o 3 ghjorna.
Un terzu pulizzeri si hè fattu minà, è parvia di quissa hà avutu 5 ghjorna d’arrestu di travaddu.

Da pudè succora è sgagià i funziunarii, i pulizzeri ghjunti à a riscossa ani fattu usu di gasi lacrimatoghji.

Dui guardii à vista facini seguitu à issi fatti : una par viulenza à nantu à parsoni dipusitarii di l’ordini publicu è l’altra, liata à l’urganisazioni d’issa sirata clandistina, à mutivu di missa in piriculu di viti altrui.