Fermeture du tunnel de Bastia pour travaux : les enjeux posés par la Collectivité de Corse
Dopu à i riunioni publichi fatti da a mirria a sittimana passata, a Cullittività di Corsica hà prisintatu u so pianu pà a chjuditura llu tunellu di Bastia, da u 18 di frivaghju à u 11 di marzu.
Cacciati i mudifichi lla circulazioni è u trennu gratisi trà Bastia è Casamozza, a Cullittività hà parlatu di a ghjunta lli battella, avanzata à 5 ori è mezu pà issu periudu, da chì u trasportu lla marcansia si posca fà innanzi à 7 ori di mani.
Pà Flora Mattei, a prisidenti di l’Uffiziu lli Trasporti, issu periudu pudaria ghjuvà à l’abitanti lli circondi bastiacci, da ch’iddi s’avvizzini à modi di dispiazzamenta dulci è multimudali.
Par dì la altrimenti, prufittà d’issi trè sittimani par svizzà si di a vittura.
Steti à senta à Flora Mattei.
Pà issi trè sittimani, ani da essa disturbati è bè i spinghjifoca. I lucala à ribaldonu di a « Méridionale », à nantu à u portu di cumerciu, li ghjuvarani di siconda caserna.
A mità di l’omini è di i meza lla caserna di Lupinu sarani trasfiriti à issa caserna pruvisoria, da accurtà u tempu d’intarventu.
I spinghjifoca si sò ancu appruntati pà intarvena in u tunellu, par casu ch’iddu ci volga à succora un uparaghju o parà un focu, in cundizioni beddi spiciali quantunca, parvia di u tigliu chì hè livatu da u tunellu.
Steti à senta u culineddu Pierre Pieri, u dirittori llu SIS2B.
Sur le même sujet
