Fermeture de l'aéroport Paris-Orly : le bord-à-bord entre la Corse et Paris interrompu dès mercredi prochain
L’aeruportu di parigi-Orly chjudi u 31 di marzu à sera. In cunsiquenza, à parta si da marcuri ch’entri, Air Corsica ùn pudarà più assicurà voli diretti trà parigi è a l’isula.
Intantu di sapè ni di più, Air Corsica hà fattu una suspesa iniziali lli so vola, in dirizzioni lla capitali francesa, par quindici ghjorna.
À tempu, Air Corsica si hè intesa cù Air france, da cuurdinà l’ori di i voli in bordu à bordu cù Nizza è Marseglia. Da chivi si farà a currispundanza cù i voli d’Air france versu l’aeruportu di parigi « Charles de Gaulle ». À chì vol’ ghjunghja à iss’aeruportu, li tuccarà dunqua à cambià d’avviò, in Nizza o in Marseglia.
Ma issi traghjetta via currispundanzi ùn entrini in lu quadru lli dispusizioni llu sirviziu publicu, è tandu, u prezzu di risidenti ùn sarà cuntatu chè pà a parti in bordu à bordu di u viaghju.
