Le Direct

Femu a Corsica jette l'éponge du contrat de mandature à Sarrula

Facia pulemica pà issi reti suciali, l’adisioni di « Femu a Corsica » à u cuntrattu prupostu da Alexandre Sarrola, pà i prossimi alizzioni in Sarrula è Carcupinu. Fatta fini, u muvimentu hà cambiatu scelta.

In un cumunicatu, Marie-Hélène Casanova-Servas, chì purtaia issa cullaburazioni, faci sapè chì dumanda hè stata fatta à u merri di dà « segni publichi, forti è subbitanii, da fà veda a so vulintà di cuncritizà l’ingagiamenti soi, ch’idda sichi par ciò chì tocca à i scelti imblimatichi (u principiu di a stesa lla zona agricula prutetta, o u ricusu di a stesa di l’arghja cumiriciali) o par ciò chì tocca à i diligazioni (u duminiu beddu sinsibuli di l’urbanismu).

« Ci hà fattu sapè, u merri, chì issi segni publichi, forti è subbitanii di a so vulintà di rumpa cù i mudelli passati, è chì par no’ sò indispinsevuli, ùn li pudià dà par avali. Tandu, i militanti lucali, in accordu cù a dirizzioni llu partitu, ani cunsidaratu chì i cundizioni minimi, da ch’iddu si posca ingagià « Femu a Corsica » in una dimarchja municipali cumuna cù u merri, ùn ci sò micca, o ùn ci sò più ».

Par avali, altra dicisioni u muvimentu ùn n’hà presu.