Evènements de Siscu : le regard de Gilles Simeoni
(A redazzioni d'Alta Frequenza) - Mentri chì dopu una dumenicata difficiuli par via di l’evenimenti di Siscu, u calmu hè vultatu è chì l’inchiesta cuntinueghja, i missaghji di fondu da u nivellu u più altu di u mondu puliticu sò impurtanti pà sguassà i tinsioni. À mezu à ssi missaghji di fondu, c’hè quillu di u presidenti di l’Esecutivu, Gilles Simeoni. Si filiciteghja di u ritornu à u calmu in furia dopu à ss’evenimenti, lighjitimendu à tempu a riazzioni di a pupulazioni di Siscu dopu à ssa baruffa. A capacità di riazzioni di u populu corsu hè stata dimustrata d’appressu à ellu, chì amenta dinò i dubbiti è i zerghi di una parti di a pupulazioni isulana chì credi di menu in menu à i virtù di a cumunità di distinu.
Steti à senta à Gilles Simeoni.
Sur le même sujet
