Européennes: Gerbert Rambaud défend l'idée d'Europe des Nations
(A redazzioni d'Alta Frequenza) - A campagna pà l’alizzioni aurupei di u 25 di maghju cuntinueghja, cù candidati numarosi chì facini u ghjiru di i sfarenti circuscrizzioni. A Corsica, chì faci parti di a circuscrizzioni ditta « Sud-est », hà ricivutu ssa dumenicata a visita di Gerbert Rambaud, candidatu Debout La France, chì era ssu vennari in Aiacciu. Ssa lista Gaullista criata da Nicolas Dupont Aignan, chì hà scuntratu sabbatu i so militanti in Bastia, batti à prò di un’Auropa cumposta di nazioni forti è libari, duva ogni paesi hà da pudè ritruvà a maestria di u so bughjettu, di i so fruntieri, di a so muneta pà gistiscia di manera demucratica i so affari, l’Unioni aurupea à 28 paesi essendu pà contu soiu un fiascu tamantu. Trè corsi, Hyacinthe Santoni, Christiane Devaux Scamaroni è Michel Franceschi sò annant'à a lista purtata da Gerbert Rambaud, una manera par ellu di fà cunnoscia torna l'attaccamentu di Nicolas Dupont Aignan à una Corsica arradicata à a Republica.
Steti à senta à Gerbert Rambaud.
