Episode orageux de forte intensité en Corse-du-Sud pour la nuit
(A redazzioni d'Alta Frequenza) - Duranti stanotti (luni à marti), u dipartimentu di a Corsica Suttana sarà toccu da u timpurali, i cumuli d'acqua pudendu cullà in furia fin'è 60 mm. Ss'acquati sarani accumpagnati da buffulati di ventu forti, è di grandina certi volti. À partasi di dumani è fin'è ghjovi, u ventu s'hà da rinfurzà annant'à tutta a costa uccidintali fin'è i Bocchi di Bunifaziu è annant'à i cresti. Ssi venti da punenti/meziornu punenti pudarani andà fin'è 90 chilometri par ora in buffulati è inghjinnarani marosuli à punenti fin'è 5 metri d'altezza. A prifittura di Corsica Suttana racumanda a prudenza a più maiò ind'a pratica di l'attività acquatichi è di natura, ch'ellu hè meghju à riducia à u più.
