Le Direct

Environnement : les mesures annoncées par l'Exécutif de Corse

(A redazzioni d'Alta Frequenza) - Nova sissioni di l'Assemblea di Corsica stamani (ghjovi). Com'è di solitu, i travaghji di l'eletti ani principiatu cù i quistioni urali à l'Esecutivu è di l'inchietudini nant'à u tema di l'ambienti. Riserva di Scandula o litturali è acqui di u golfu d'Aiacciu, a Manca Republicana è u Fronti di Manca, ani interrugatu à u Presidenti di l'Uffiziu di l'Ambienti nant'à issa prublematica quì. Etienne Bastelica vulia dunqua sapè, à nomi di u gruppu cumunistu, ciò chì duvaria essa fattu in tarmini di prutezzioni è di cunservazioni di u spaziu marinu aiaccinu. Listessa intarrugazioni pà Pascaline Castellani nant'à a riserva di Scandula. I dui eletti s'inchietani di a prissioni turistica forti di staghjoni, cù in funzioni di l'anni a ghjunta di "scali critichi". Petru Ghionga, u Presidenti di l'OEC, s'hè mustratu rassicuranti. Bisogna à tutti i patti à cunsirvà "l'integrità di issi mezi". Da sbuccà ci, numarosi misuri sò pussibuli, com'è par asempiu in Scandula, una pulitica di parcintuali, o una tassazioni turistica.

Ecoutez Pierre Ghionga, le président de l’OEC.