Enseignement bilingue : l'APC dénonce plusieurs défaillances dans des écoles ajacciennes
(A redazzioni d'Alta Frequenza) - L'Associu di i Parenti Corsi tinia issu dopu meziornu (ghjovi) una cunfarenza di stampa davanti à a scola primaria Pasquale Paoli, quartieru di i Canni in Aiacciu. U sindicatu di parenti d'elevi faci sapè a so scuntentezza di pettu à una situazioni chì tocca à l'insignamentu bislinguu inde certi stabilimenti di u rughjoni aiaccinu, chì saria assicuratu micca di modu pienu è sanu o ancu mancu appena inde certi scoli. Asempiu à i Canni, duva d'appressu à l'APC, un prufissori titulariu avendu fattu valè u so dirittu à u travaghju à tempu parziali, si vedi rimpiazzata, u ghjovi è u vennari, da un insignanti micca corsofonu, è dunqua incapaci di dà un insignamentu bislinguu. Una situazioni intularabili pà u sindicatu, chì vedi quì una rumpitura ind'a cuntinuità di l'insignamentu, puntu pessimu inde l'amparera di u zitellu. Un prublema chì, aldilà di u mondu educativu, tocca dinò u mondu puliticu, pà Véronique Sciaretti, in rifarenza à i misuri presi è à mezi dati da a CTC in materia di lingua corsa.
Écoutez-la.
Sur le même sujet
