Le Direct

Enquête anti-terroriste en Corse : Charles Pieri mis en examen et écroué, six autres personnes mises en examen

Dopu à 96 ori di guardia à vista, i setti parsoni sempri intesi in u quadru lla inchiesta lla pracura antitarrurista di parigi cunnoscini a so sorti.

Carlu Pieri, figura storica di Corsica Libara, hè statu missu in asaminu à mutivu d’associu di malfattori è pussessu d’armi in leia cù una impresa tarrurista.

Hè statu missu in ditinzioni pruvisoria in Fleury-Mérogis.

Sei altri parsoni – cinqui di quissi sò membri di Corsica Libara è trè sò di u Cunsigliu di u partitu – sò stati missi in asaminu à mutivu d’associu di malfattori in leia cù una impresa tarrurista.

Tutti sò stati rimissi in libartà, cù un cuntrollu ghjudiziariu chì l’impidisci di veda i parsoni presi in issu cartulari.

A inchiesta saria liata à una cunfarenza clandistina llu FLNC, à a fini llu 2021, è à certi attintati fatti in Corsica sinu à a prima trimisata d’iss’annu.