Energie : la fédération corse du Rassemblement National plaide pour la construction urgente de barrages
Ghjovi, à l’assemblea di Corsica, si hè parlatu di a prugramazioni plurianninca di l’energia.
U « Rassemblement National », chì eletti ùn n’hà, hà fattu cunnoscia u so puntu di vista via una cunfarenza di stampa.
Pà François Filoni è Nathaly Antona, i capifila di u partitu in Corsica, ci voli à sfruttà quant’iddu si pò a risorza in acqua, è par quissa custruì altri matrali.
Senza troppu pricisà i finanzamenti, u RN si hè dittu à favori lla custruzzioni d’un matrali in Livesi, un prughjettu anzianu dighjà ma chì mai ùn si hè fattu, è d’un altru à nantu à u Cavu.
Issi matrali pirmittariani, à senta ni u RN, di pruducia una bedda poca d’elettricità in più via l’idroelettricu, ma ancu d’assicurà un furnimentu in acqua senza pinsera di mancanza, masimu pà l’agricultura è u turismu.
Steti à senta à François Filoni.
Sur le même sujet
