Le Direct

Elections territoriales : A Chjama Naziunali appelle à un large rassemblement

(A redazzioni d'Alta Frequenza) - Un cuntrattu di mandatura pricisu è publicu pà guadagnà l'alizzioni tarrituriali di dicembri. Eccu ciò ch'ella brama cù forza A Chjama Naziunali, una di i cumpunenti di Femu a Corsica, pà un'adunita larga pà a vittoria. L'affari hè statu trattatu largamenti sabbatu duranti a riunioni di a Cuurdinazioni d'A Chjama in Corti, pà dibatta cù i militanti annant'à u fondu di l'idei è micca solu annant'à a "geumetria" di l'unioni. Si trattava in fatti d'accertà ciò chì era statu dittu dopu à i Ghjurnati Internaziunali di Corti, vali à dì una lista à u prima ghjiru cumposta da u PNC, Inseme, A Chjama è una sinsibulità eculugista, di un'unioni cù tutti i naziunalisti à u sicondu ghjiru, è d'altri omi è donni di prugressu, eppo allargà torna di più parchì micca duranti u terzu ghjiru. Tuttu què arrimbendusi à prugrammi è idei in leia cù u scopu maestru : chì a Corsica ghjunghjissi fin'è l'autoditarminazioni.

Steti à senta à Jean Biancucci, pà A Chjama Naziunali.