Elections professionnelles : la CFDT défend un syndicalisme indépendant et de réforme
(A redazzioni d'Alta Frequenza) - Hè à partasi di dumani (ghjovi) fin'è u 4 di dicembri chì tutti l'agenti di i trè lati di a funzioni publica, vali à dì di Statu, tarrituriali è di l'uspidali, ani da vutà pà sceglia i so raprisintanti in tutti l'istanzi di cuncertazioni. Un scrutinu chì hà da cuncirnà in Corsica decini di millai di parsoni, è chì t'hà com'è inghjocu maiò di dimustrà l'arradichera di a so furmazioni sindicali è a so raprisintatività riali ind'u settori publicu. A CFDT, chì hè assai bè raprisintata à u nivellu naziunali, cunnosci di più difficultà à u pianu lucali è sà ch'ella sarà difficiuli a lotta. Voli difenda malgradu tuttu a so idea maestra, quilla di un sindicalisimu indipindenti è di riforma di pettu à l'inghjochi d'avvena.
Steti à senta à Marie Poletti, pà a CFDT Corsica.
