Elections professionnelles : la candidature du STC annulée par le tribunal d'instance de Paris
(A redazzioni d'Alta Frequenza) - A candidatura di u STC à l'alizzioni ind'i TPE di u 28 di nuvembri fin'è u 12 di dicembri hè stata annulata da u tribunali d'istanza di Parighji. Un'azzioni in ghjustizia purtata da a CFDT, a CFTC, FO è a CGT. Ind'a so dicisioni resa luni, u tribunali hà ghjudicatu chì "di pettu à u dirittu sindicali è à a prutezzioni di i diritti di i salariati", u Sindicatu di i Travaghjadori Corsi "porta un'azzioni pulitica specifica", ch'ellu batti à prò di "una discriminazioni arrimbata à l'urighjini regiunali trà l'impiegati", chì "i so fundamenti sò cuntrarii à l'essenza stessa di l'attività sindicali", è "và contr'à i principii fundamintali chì gistiscini a materia". A ghjuridizzioni hà stimatu chì u STC, di chì "l'ughjettu ùn hè micca licitu, ùn empii micca i criterii d'indipindenza è di rispettu di i valori republicani". Ssu sindicatu "và contr'à l'indipindenza è l'imparzialità di a ghjustizia" è a so "qualità di sindicatu prufiziunali hè cuntistevuli", aghjusta quissa quì. A so "candidatura à l'alizzioni prufiziunali chì venini devi essa annulata", compii u tribunali, chì hà dunqua annulatu dinò a dicisioni di a direzzioni generali di u Travaghju di u 1a di ghjunghju scorsu, chì avia dichjaratu ch'ella pudia essa ricivuta a so candidatura pà l'alizzioni ind'i TPE.
Sur le même sujet
