Election du président de la CAB : Michel Rossi, maire de Ville-di-Pietrabugno, dénonce une absence de contacts avec la majorité communautaire
Dopu à cinqui anni di cumbugli cù un prisidenti minuritariu – François Tatti - si cridia di veda sbuccià cinqui anni d’un funziunamentu chietu à a CAB di Bastia, passati iss’alizzioni municipali.
È fà è fà, l’affari ùn duvaria essa cusì drittu.
Vennari, di regula, Louis Pozzo di Borgo, aghjuntu à u merri di Furiani, duvaria essa fattu prisidenti cù una bedda maiurità. Ma una cumuna pudaria essa missa à u scartu d’iss’esecutivu à vena.
In un cumunicatu datu ghjovi, Michel Rossi, u merri di E Ville di Petrabugnu, si stona d’ùn essa statu cuntattatu da l’altri merra, passati l’alizzioni.
À senta lu, issu silenziu hè a risposta à a so vulintà di neutralità, mezu à i dui ghjiri di l’alizzioni di Bastia : hè statu tandu u solu merri à ùn signà un cumunicatu chì dicia chì, qual’ch’idda sichi a situazioni in Bastia, a maiurità cumunitaria prisintaria à calchissia à a prisidenza.
Vali à dì chì, sè nudda ùn cambia da quì à tandu, a cumuna di E Ville si truvarà in a situazioni d’innanzi à u 2014 : essa à a CAB senza avè nisciun’ viciprisidenza, è dunqua essa, par forza o par amori, in una razza d’uppusizioni.
Steti à senta à Michel Rossi.
Sur le même sujet
