Le Direct

Échouage du Rhodanus à Bunifaziu : la ministre Elisabeth Borne se veut rassurante

Elisabeth Borne, a ministra llla transizioni eculogica è sulidaria incaricata lli trasporti, è u vici amirali di squadra Laurent Isnard, prifettu marittimu llu Tarraniu, sò andati luni in dopu meziornu in Cala Longa, in Bonifaziu, ind’iddu si hè arrinatu u Rhodanus. Incù iddi, ci erani dinò a prifetta lla Corsica è parichji eletti.

A ministra hà vulsutu tranquillizà à ugnunu, spiichendu chì par avali pulluzioni ùn si ni vidi. Hà dittu ch’in priurità, ci vulia à caccià u carburanti prisenti sempri in a navi, è circà u mezu u più asattu par livà issu battellu.

Par ciò chì tocca à a circulazioni in i Bucchi di Bonifaziu è u canali di Corsica, Elisabeth Borne si hè ditta dicisa à « uttena reguli più strinti è dispusitivi da spiccà u trafficu, ublicazioni di cundutta è intirdizzioni pà i materii piriculosi, in un locu sinsibuli com’è i Bucchi di Bonifaziu »

Stemu à senta u capitanu di fregata Christine Ribbe, porta parolla llu prifettu marittimu llu Tarraniu