Le Direct

Duel Fillon-Copé pour la présidence de l'UMP : Sauveur Gandolfi-Scheit explique son soutien à Jean-François Copé

(A redazzioni d'Alta Frequenza) - Dumenica chì veni à sera, l’UMP cunnosciarà l’identità di u so novu presidenti, chì sarà o l’anzianu primu ministru François Fillon, o u secretariu ghjinirali Jean François Copé. U primu era d’altrondi in visita in Corsica issa dumenica, a mani ind’a Porta à l’uccasioni di i ceremonii di l’11 di nuvembri, duva ellu hà pussutu scuntrà u merri Stéphanie Grimaldi è calchì centinai di militanti, eppo in Aiacciu u dopu meziornu pà un meeting di campagna, duva ellu hà ricivutu frà altru u sustegnu di u merri di Calvi, Ange Santini. Inde issa campagna interna à l’UMP pà a presidenza di u partitu, u diputatu di Corsica Suprana Sauveur Gandolfi-Scheit hà sceltu pà contu soiu di sustena à Jean François Copé, è què dapoi u principiu. Una scelta chì u diputatu spieca da l’impegnu di u candidatu, à parè soiu, nant’à cartulari com’è l’avvicinamentu famigliali di i prighjuneri o a sacralisazioni di u 5 di maghju, par asempiu. L’altra raghjoni di iss’appoghju si ghjustificheghja ind’a visioni di l’idei ch’ellu devi difenda l’UMP, postu chì u diputatu si senti più vicinu di Jean François Copé cà di François Fillon.

Sauveur Gandolfi-Scheit.