Le Direct

DSP maritime : Corsica Linea répond au STC de la Méridionale

A cumpagnia Corsica Linea rispondi à u STC lla Miridiunali cù un cumunicatu. À senta la, « u ripusiziunamentu di u « Vizzavona » in Aiacciu veni parvia d’una panna maiori d’un mutori in principiu d’uttrovi. Da gistì pà u meddu issa difficultà tecnica, ch’imponi una navigazioni cù trè mutora inveci di quattru, hè statu dicisu di metta u « Vizzavona » à nantu à a ligna Aiacciu-Marseglia, è u « Paglia Orba » à nantu à a ligna Bastia-Marseglia. L’affari durarà u tempu di rimetta in istatu u quartu mutori llu « Vizzavona ». Par ciò chì tocca à u pusiziunamentu di u « Piana », battellu di a Miridiunali, par quattru volti à nantu à a ligna di Lisula, dici a cumpagnia chì l’affari, com’è quiddu di l’arresti tecnichi, si hè fattu in cunfurmità cù u cuntrattu d’affittu chì lia a Miridiunali à Corsica Linea » Pierre-Antoine Villanova, u dirittori ginirali lla cumpagnia, dici chì « in sti circustanzi, si rigreta à veru u prughjettu di bluccà u Piana è, di manera più larga, i tinsioni in ghjiru à l’ultimi mudificazioni llu nosciu pianu di flotta, mentri chì no’ emu fattu issa pruposta à a Miridiunali cù u pinseri di mantena l’impiecu marittimu in Corsica. Semu pochi rimpattati di a noscia bona vulintà à issu sughjettu, postu ch’oramai semu vittimi d’un falsu prucessu ».