Dossier du Puntettu : Inseme per Bastia a voté contre
(A redazzioni d'Alta Frequenza) - L'avvena di u quartieru di u Puntettu cuntinueghja à fà parlà d'ellu. In fatti, u cartulari di u marcatu publicu nant'à a sparizioni à pocu à pocu di l'alloghju micca sanu di u quartieru era asaminatu arisera (luni) davanti à un cunsighju municipali bellu carcu. U prublema : a distruzzioni di quattru palazzi, rimpiazzati da novu duva ci sarani d'appressu à a municipalità 62 alloghji frà i quali 51 alloghji à pighjò mezana. Un cartulari chì hà fattu nascia un dibattitu vivu trà u merri di Bastia Emile Zuccarelli, sustinutu da u so primu aghjuntu Ange Rovere, è Gilles Simeoni, u leader di u partitu d'uppusizioni Inseme per Bastia. U merri di Bastia hà affirmatu essa "nè sdignosu, nè autistu", sottulineendu ch'ellu hè in fatti u travaghju di a municipalità chì hè in traccia di salvà u Puntettu, inveci chì Gilles Simeoni accusava a municipalità, u so merri in testa, di ùn asaminà nisun dumanda posta dipoi dui anni nant'à issu sughjettu. Infini, u marcatu publicu hè statu accittatu, Inseme per Bastia avendu vutatu contru. Accusatu, com'è u cumitatu d'abitanti, di cuntà bucii nant'à issu cartulari, Gilles Simeoni dici torna chì pà l'uppusizioni, issu prughjettu ùn pò essa accittatu, postu ch'ellu custituisciaria à parè d'Inseme per Bastia un sacrifiziu storicu è turisticu. Ancu peghju d'appressu à u partitu d'uppusizioni, saria a porta aparta à a speculazioni immubiliari postu chì quissu quì adunisci alloghji micca suciali. Gilles Simeoni chì ammenta dinò i sustegni pulitichi è pupulari à parechji nant'à issu cartulari.
On l'écoute.
