Dossier de la cité des Monts à Bastia : réunion sous tension entre municipalité et habitants
Reunion de la Cité des Monts avec Pierre Savelli
Ùn era tantu appaciatu l’ambiu sabbatu, à a sala pulivalenti di Lupinu. U merri di Bastia, Pierre Savelli, accumpagnatu da i so sirvizia è da a prisidenti di l’uffiziu di l’alloghju, Fabiana Giovannini, era ghjuntu à spiicà u prughjettu di ridifinizioni d’un sittori cumplettu d’alloghju suciali, ind’idda c’entri a famosa Cité des Monts, cù i so bastimenta 32, 33 è 36A, chì devini essa lampati. L’abitanti, in maior’parti upposti à u prughjettu, erani sustinuti da François Tatti, ch’era ancu iddu prisenti à issa riunioni. Ma spiicazioni, in fin’di contu, ùn ci n’hè statu, ugnunu piantendu u corru in a ghjerba : l’abitanti ùn volini ch’iddi sichini sfraiati issi palazzi, è a municipalità circa à difenda quantunca u so prughjettu, spiichendu chì l’abitanti avariani alloghji novi nanzi à a distruzzioni lli palazzi, in u stessu quartieri s’iddi volini, è senza crescita di pighjò.
Dopu à issa riunioni, Pierre Savelli, u merri di Bastia, hà dittu ch’idd’ùn era cusì pessimu l’ambiu. Hà cuncessu chì forsa, ùn si hè discorsu à bastanza. Eppuri, hà dittu, i so sirvizia si sò mubilizati in stu sensu.
Stemu à senta à Pierre Savelli
Sur le même sujet
