Domaine de Rovani: la réaction d'Adrien Scatena
(A redazzioni d'Alta Frequenza) - Adrien Scatena, pruprietariu chì sfrutta u duminiu Rovani in Coghja, hà vulsutu riagiscia ind'un cumunicatu dopu à l'ultimi evenimenti nant'à ssu duminiu ghjustu appuntu. Par ellu, "s'è l'emuzioni inghjinnata da ssu gestu barbaru si pò capiscia, omu si pò intarrugà di manera leghjetima nant'à l'intaressu di un attu simuli a vigilia di a spulsioni di monsieur Seni dicisa infini da i puteri publichi". È di dì ch'ellu n'hè "a prima vittima" [...] "ss'episodiu novu ritardendu torna una volta a cuncretisazioni di una dicisioni di ghjustizia chì mi faria prò" aghjusta Adrien Scatena. Nant'à l'alivi taghjati, ss'ultimu cunfirmeghja bè a taglia di ss'arburi "chì ùn erani più intrattinuti dipoi a so ultima taghjata vera una vintina d'anni in daretu. L'alivetu era divintatu un locu di machja è di lamaghjoni, parechji branchi erani morti, l'arburi magnati da culunii di furmiculi rossi è a so dibbulezza ùn hà micca risistutu à i nivati impurtanti di u veranu" dici quissu quì. Infini, nant'à u fondu di u cartulari, dici chì u so babbu "ùn hà mai missu di più soldi cà monsieur Seni chì ùn era micca ghjuntu à a vendita pà cumprà".
