Discussions entre la Corse et Paris : le STC s'inquiète de la mise à l'écart des syndicats
Via una cunfarenza di stampa data ghjovi, u STC si hè lagnatu ch’iddi sichini stati missi à u scartu i sindicata, in i discussioni trà a Corsica è parigi.
U sindicatu dici chì grégory canal, u riprisintenti in Corsica di gérald darmanin, ùn l’hà mai cuntattatu. S’impinsirisci, u STC, di a manera di trattà a quistioni suciali in issi discussioni : ch’idd’ùn sichi riprisintata chè a patrunanza in issi scambii apri a strada à un novu appuntamentu suciali faltatu, vinti anni dopu à u prucessu di matignon.
Cù u STC, ùn a si sfrancani nè a maiurità tarrituriali, nè l’altri partiti naziunalisti : par avali, à senta ni u sindicatu, ùn sò stati tanti attivi à nantu à issu tarrenu. Ma supr’à tuttu, ùn ani micca agitu da chì i sindicata – è micca sulamenti u STC – si poschini sprima.
In quantu à i pruposti, in u quadru d’un’autunumia chì a pirmittaria, u STC vurria un SMIC corsu è una rigulazioni llu prezzu lli carburanti. Ni prufitta u sindicatu par criticà u MEDEF è a CPME, ch’ùn ani vulsutu rivalurizà l’indinnità di i trasporti, dendu scusi chì ùn sò chè un neci.
Steti à senta à Jean Brignole, à nomu di u STC.
