Diaspora et corses de l'extérieur : l'Exécutif de Corse va proposer un tarif spécifique pour l'aérien
Mentri ch’iddi facini dibattitu è pulemica i novi mudalità llu tariffa di risidenti pà u trasportu airianu, l’esecutivu lla Corsica hà da prupona un dispusitivu pà i corsi di u fora.
Issu prezzu, chì s’avvicinarà à l’anzianu tariffa di risidenti, ùn sarà ufficialmenti un tariffa diasporà, ancu s’iddu tocca issu publicu chivi.
Da pudè ni prufittà, ci vurrà à tena trè d’issi criteri à u minimu :
- Nascita in Corsica, o nascita d’un ghjinitori, o d’unu di i so maiori.
- Risidenza in Corsica d’un ghjinitori, d’un maiori, d’un ziteddu, d’un frateddu o d’una suredda
- Intarru d’un sposu, d’un ghjinitorii o d’un maiori, d’un ziteddu, d’un frateddu o d’una suredda.
- Scularità ublicatoria fatta in Corsica da quiddu chì cheri issu tariffa, pà un ciculu à u minimu.
- Pussessu d’un bè immobuli in Corsica, in prupriità, in usufruttu o in indivisu.
Issi criteri sò quiddi lla nuzioni di punti d’intaressu matiriali è murali, chì pudaria avè valori ghjuridicu.
Par casu ch’iddi si franchini tutti i tappi lla validazioni, quidda di l’assemblea in prima, l’Esecutivu spera in un iniziu llu dispusitivu pà a fini llu 2021.
Steti à senta à Gilles Simeoni, u Prisidenti di l’esecutivu.
