Deux piétons blessés à Ajaccio
(A redazzioni d'Alta Frequenza) - A circulazioni trà a piazza di u Diamanti è u corsu Nabuliò d'Aiacciu hè taghjata dipoi u principiu di a sirata (marcuri). Succorsi è pulizza sò mubilizati dopu chì un omu avissi feritu dui parsoni cù a so vittura. Sicondu a prifettura di Corsica, l'omu di una quarantina d'anni, chì cunducia u so veiculu, avaria acceleratu in direzzioni di a so anziana moghja. Ind'a so corsa, avaria rinvirciatu quissa quì, inghjinnendu feriti à i ghjambi à iss'ultima. Una parsona anziana, chì era vicinu hè stata ferita di modu gravi pà contu soiu. L'omu hè scappatu dopu prima di renda si à u cummissariatu d'Aiacciu duva ellu hè statu missu subbitu in gurdia custodia. Duvaria essa prisintatu dumani à u ministeru publicu. Micca elementi in più par avà nant'à iss'affari quì. Ùn si sà micca d'altrondi chì qualificazioni sarà ritinuta pà una pussibuli missa in asamini.
