Deux navires se sont échoués sur l’écueil des Moines dans le golfe de Roccapina
(A ridazzioni d'Alta Frequenza) - Dui navi si sò arrinati ghjovi in punta llu Pumonti. Versu 11 è quartu, una navi di 27 metra cù novi passaghjera hà lampatu una chjama à u succorsu, issendu si sfundata à nantu à l’isulotti lli Monachi. Intantu ch’iddi ghjunghini i navi lli Salvatori in Mari (SNSM) è di a riserva naturali lli bucchi di Bonifaziu à porghja li aiutu, cinqui di i novi parsoni in difficultà si sò appumissi à nantu à un battellu di pesca. Ghjunti supr’à locu, i succorsa ani carriatu a navi arrinata sinu à Aiacciu. Sei ori dopu, ci hè stata un’altra chjama, pà a stessa cosa, è à u stessu locu. A chjama, l’avia lampata un battellu à vela di 31 metra. Chivi dinò, i succorsa sò stati mubilizati da porghja aiutu. Arrinatu è sfundatu ancu iddu à nantu à l’isulotti lli Monachi, u battellu hè statu rimissu in istatu è hè pussutu riparta.
Sur le même sujet
