Deux interpellations dans les rangs de la Ghjuventù Indipendentista
(A redazzioni d'Alta Frequenza) - Arristazioni novi stamani (marti) ind'a Ghjuventù Indipendentista. A prima hè stata rializata nant'à a cumuna di Sarrula in Corsica Suttana. Una parsona hè in guardia custodia in Asprettu. A siconda, privista ind'u Ponte à a Leccia, hè fiascata, parchì u ghjuvanottu chì i gendarmi vuliani arristà ùn era micca in casa soia. Una parquisizioni hè stata fatta tandu. Appena dopu à i fatti, malgradu tuttu, u militanti di a GI hè andatu à u casernamentu di Borgu pà essa intesu. Pari chì l'inchiesta rializata sighi nant'à tags, postu chì l'infurmazioni ghjudiziaria aparta saria nant'à una "dégradation de biens publics en relation avec une entreprise terroriste" sicondu u sindicatu studientinu. Dopu à issi dui missi in guardia custodia, a Ghjuventù Indipendentista chjama à dui aduniti stasera à 7 ori davanti i gendarmerii d'Asprettu è di Borgu.
