Deux années après sa création, l'association Praticalingua tire un bilan très positif de son action
(A ridazzioni d'Alta Frequenza) -Dui anni dopu à a so creazione, l’associu Praticalingua hà fattu u bilanciu di a so attività. Un bilanciu più chè pusitivu, chì l’associu hà adunitu un numeru d’aderenti più impurtante chè ciò ch’ellu si pensava, puru essendu ottimistu. Pè l’annata sculara chì si compie, l’associu hà adunitu 250 aderenti, ghjunti a amparà u corsu, o più simpliciamente à parla lu, è sparte e so riflessioni è idee ind’è i numerosi attelli di Praticalingua. Toccu sittembre, l’organismu francherà un passu maiò : da dodeci, u numeru d’intervenenti passerà à vinti, chì l’attelli passeranu da sedici à trentasette. Storia, cultura, musica, arte, amparera di lingue furestere cù l’arnese di a lingua corsa, seranu queste quì e tematiche di l’attelli. Altra nuvità, ci seranu attelli dedicati à i prufeziunali chì sò in brama d’amparà u corsu, o di migliurà ne l’usu.
Sur le même sujet
