Deux accidents de la circulation en Corse-du-Sud
(A redazzioni d'Alta Frequenza) - Dui accidenti di a circulazioni sò accaduti stamani (ghjovi) in Corsica Suttana. U primu, appena dopu à 7 ori, nant'à a strada naziunali 196, trà Prupià è Sartè, à u nivellu di u locu dittu Santa Barbara, duva dui veiculi si sò inticciati. D'appressu à i primi elementi racolti, pari chì una di i dui vitturi pruvava à duppià un camiò, mentri chì un'antra vittura ghjunghjia in faccia. I dui cunduttori, feriti di modu gravi sò stati traspurtati à l'uspidali di Sartè. Eppo nant'à a cumuna di Coggia, un veiculu cù dui parsoni drentu, hè andatu à pichjà contr'à un muru, par raghjoni sempri scunnisciuti. Dui feriti gravi sò censati, frà altru a guida assai tocca. I vittimi sò stati trasferiti cù un elicotteru nant'à l'uspidali d'Aiacciu.
Sur le même sujet
