Détection d'une pollution maritime entre L'Ile-Rousse et Calvi
(A redazzioni d'Alta Frequenza) - Ssu marcuri, una patruglia di a Gendarmeria hà scupartu una pulluzioni à u gasoil di 100 metri nant'à 20 metri nant'à u situ d'Algaghjola, vicinu à a Punta di San Damianu, trà L'Isula è Calvi (Corsica Suprana). A Prifittura marittima di u Mediterraniu hà mubilizatu subbitu subbitu un elicotteru di a Gendarmeria pà un bulu d'investigazioni ch'ella sia vicinu à u liturali cà à u largu di i costi. Ssu bulu hà cunfirmatu un'irisazioni à u gasoil di 500 metri nant'à 300 metri, in traccia di scioglia si à 700 metri à punenti di a Punta di San Damiano. L'urighjini di ssa pulluzioni ùn hè micca cunnisciuta. Nisun'altra pulluzioni hè stata trova più luntanu à u largu. Par securità, a Prifittura marittima hà privistu un sicondu bulu dumani (ghjovi) versu meziornu cù un elicotteru Dauphin di serviziu publicu di a Marina naziunali. A svanita à pocu à pocu è i cundizioni meteurulogichi parmettini di cunsidarà stasera (marcuri) chì ùn ci duvaria essa nisun altru prublema contr'à u liturali.
Sur le même sujet
