Des vents violents prévus en Haute-Corse jusqu'à vendredi inclus
(A redazzioni d'Alta Frequenza) - Un episodiu di venti forti hà da tuccà tutta a Corsica Suprana trà stanotti (marcuri à ghjovi) è vennari inclusu. U ventu hè aspittatu annant'à i cresti, in Balagna è in Capicorsu, cù buffulati trà 80 è 90 chilometri par ora. Vennari, una calata secca di i timperaturi sarà da rimarcà, mentri chì u ventu hà da essa più forti (trà 80 è 100 chilometri par ora in Balagna, i lochi bastiacci è i cresti di muntagna, trà 120 è 130 chilometri par ora in Capicorsu). À punenti, ci sarani marosuli forti annant'à i piaghji è tuccarani i capi. I venti trà 100 è 110 chilometri par ora sò sempri prisenti in muntagna è in u meziornu urientali di l'isula fin'è vennari dopu meziornu. A prudenza a più maiò hè dunqua racumandata, soprattuttu duranti i spiazzamenti.
