Des milliers de personnes dans les rues d'Ajaccio pour l'amnistie des prisonniers politiques
(A redazzioni d'Alta Frequenza) - Un successu pupulari ! Eccu comu si pudaria qualificà a mubilisazioni di ssu sabbatu dopu meziornu urganizata da l'Associu Sulidarità in Aiacciu à prò di l'annistia di i prighjuneri pulitichi. Parechji millai di parsoni ani marchjatu da a gara fin'è a piazza di u Diamanti, daretu à i striscioni "Amnistia" o ancu "Libertà per i patriotti". Ramintemi chì più di centu entità di a sucità civili, sindicati, partiti pulitichi, associ è attori culturali di Corsica è d'altrò aviani chjamatu à participà à ssa manifistazioni. L'Associu Sulidarità vulia chì ssa mubilisazioni si passessi in u calmu, a dignità è a ditarminazioni, ciò chì fù fattu. Pà Ghjuvan Maria Poli, a voci di u populu corsu hà ribumbatu ssu sabbatu in i carrughji d'Aiacciu, pà mandà un missaghju chjaru chì u Statu ùn pudarà più stà tantu à nigà è chì teni in una parolla sola : "Amnistia".
Eccu l'intervista di u presidenti di l'Associu Sulidarità.
Sur le même sujet
