Des joueurs du FC Squadra Calvi impliqués dans un accident de la route à Ghjuncaghju
(A redazzioni d'Alta Frequenza) - C'hè statu un accidenti ssa dumenica da mani versu 10 ori annant'à a cumuna di U Ghjuncaghju, strada naziunali 200 trà Corti è Aleria. Una vittura hà pichjatu contr'à un'antra eppo un picculu bus chì traspurtava i ghjucadori di u club di ballò amatori di u FC Squadra Calvi. I dui parsoni di a prima vittura, un omu è una donna di una sittantina d'anni, sò stati feriti gravi. Scarcerati, sò stati purtati in elicotteru à l'uspidali di Bastia. Dui altri parsoni tocchi di una manera lighjera, un ghjucadori di u club balaninu di 34 anni è u cunduttori di 58 anni, sò stati purtati à l'uspidali di Corti. Di fattu, u scontru pà u 1a ghjiru di a Cuppa di Francia chì si duvia ghjucà trà u FC Squadra Calvi è u FC Alta Rocca in Livia hè statu rimandatu à un'antra data.
