Des chiffres satisfaisants pour la saison 2016 de l'Office de Tourisme de Bastia
(A redazzioni d'Alta Frequenza) - L'Uffiziu di Turisimu di Bastia hà prisintatu ssu marti un bilanciu intermediariu di a staghjoni turistica 2016. È i sciffri sò piuttostu boni grazia par asempiu à un bellu tempu fora di a staghjoni. In fatti, 134 915 visitori sò andati in i casali di a piazza San Niculà. Soprattuttu, u trafficu aereu hè crisciutu di 6,95% à 1 055 948 passaghjeri è u marittimu di 3,83% à 1 950 191 passaghjeri. Dinò, i cruceristi sò di più in più numarosi, postu chì cù 24 632 cruceristi, a fraquintazioni cresci nant'à ssa parti di 124%.
Hè dinò una distinazioni à fà fruttificà aldilà di a simplici Cumunità d'Agglumerazioni, postu chì i rilazioni cù u Capicorsu è u Nebbiu sò di primura pà Emmanuelle de Gentili, a presidenti di l'Uffiziu di Turisimu di Bastia.
Sur le même sujet
