Départementales en Haute-Corse : le duel Orlandi-Padovani aura bien lieu dans le Cap Corse
(A redazzioni d'Alta Frequenza) - Mentri ch'è no cunniscimu oramai tutti i candidati chì sarani prisenti à i dipartimintali di marzu chì veni in Corsica Suprana, a cunfirmazioni di un duellu à manca in u cantonu di Capicorsu hè intarvinuta, postu chì u presidenti di u cunsighju generali François Orlandi è Jacky Padovani, chì ani vistu a fusioni di i so cantoni, si scuntrarani l'unu contr'à l'altru, cù com'è altri duetti quillu di Michel Stefani pà u Partitu Cumunistu è quillu di Sébastien Quenot pà Corsica Libera. Pimentu in più pà ssu scontru, a presa di pusizioni franca è chjara di u terzu elettu di u settori, Ange Pierre Vivoni, chì sarà u suppleenti di Jacky Padovani, chì s'hè alluntanatu da a maghjurità dipartimintali attuali. Malgradu a putenza di focu, s'è no a pudemi dì cusì, di i cumuni di San Martinu di Lota è di Siscu chì t'ani com'è merri rispittivi Jacky Padovani è Ange Pierre Vivoni, François Orlandi parti cunfidenti malgradu tuttu.
U stemi à senta.
