Départementales : coude-à-coude Padovani - Orlandi dans le Cap Corse
(A redazzioni d'Alta Frequenza) - U duellu chì hè aspittatu accadarà dumenica chì veni in Capicorsu. In fatti, Jacky Padovani è François Orlandi sarani in cuncurrenza cù i so duetti rispittivi pà buscassi u postu di cunsighjeru dipartimintali, in un duellu trà dui anziani amichi divintati nimichi, postu chì Jacky Padovani hè in campagna aparta contr'à a gistioni attuali di u cunsighju generali è di manera più glubali contr'à u sistema Giacobbi, mentri chì François Orlandi hè sustinutu da ss'ultimu è, s'ellu vinci, duvaria ritruvà u so postu di presidenti di u cunsighju generali ch'ellu hà occupatu ssi dui ultimi mesi. U scartu dopu à ssu prima ghjiru hè di 69 voti à prò di Jacky Padovani, un scartu chì François Orlandi pò rimpattà largamenti. Ci sò pussibilità d'avè voti novi, ch'ella sighi ind'è Corsica Libera induva i 664 alittori chì ani vutatu pà u duettu Sébastien Quenot - Paula Susini sarani ricircati da i dui candidati, postu chì nisun cunsigna di votu hè stata data, mentri chì i 464 voti di u Fronti di Manca di u duettu Michel Stefani - Julie Boccheciampe sarani bramati dinò elli. I 4000 parsoni chì ùn ani micca vutatu dumenica t'avarani dinò un rollu impurtantissimu à ghjucà.
Steti à senta à François Orlandi.
Sur le même sujet
