Le Direct

Déchets : Zeru Frazu demande à la CAPA et à la CAB une nouvelle organisation de la collecte

(A redazzioni d'Alta Frequenza) - Mentri ch'ella c'hè sempri a crisa di i rumenzuli pà ssu principiu d'aostu in Corsica, a reta Zeru Frazu s'hè adunita ssu marti da mani davanti i casali di a Cumunità d'Agglumerazioni di u Paesi Aiaccinu. Accumpagnata par asempiu da i raprisintanti di i cullittivi d'abitanti di Tallone, Vicu è Tavignanu, vulia sinsibulizà torna a pupulazioni è i puteri publichi nant'à l'urghjenza d'agiscia cuncirnendu a prublematica di i rumenzuli. Una cunfarenza di stampa urganizata davanti a CAPA, ma chì pudia essa stata tinuta ancu davanti a Cumunità d'Agglumerazioni di Bastia, parchì, ed hè u missaghju ch'ellu hà vulsutu fà passà Zeru Frazu : i dui cumunità d'agglumerazioni, chì raprisentani 50% di i rumenzuli di a Corsica, sò attori maiò di a suluzioni. A reta Zeru Frazu, chì militeghja più cà mai pà u spiccu di prima nivellu, dumanda di fattu à a CAPA è à a CAB un'urganisazioni nova di a racolta pà riducia a quantità è i cunsiquenzi di i rumenzuli distinati à essa intarrati è pà valurizà i materii chì poni essa riciclati o pà fà u suvaccioni prisenti ind'i nostri rumenzuli.

Eccu i spiecazioni di Colette Castagnoli pà Zeru Frazu.