Le Direct

Déchets : le gouvernement demande aux élus corses de prendre leurs responsabilités

(A redazzioni d'Alta Frequenza) - A crisa di i rumenzuli in Corsica s'hè invitata à l'Assemblea naziunali. In fatti, ssu luni, duranti una seenza di dumandi à u guvernu, Paul Giacobbi hà interpellatu a ministra di l'Eculugia, di u Sviluppu durevuli è di l'Energia, Ségolène Royal. Fendu u storicu di ssa crisa è vultendu annant'à l'episodiu di u ritiru di l'amendamentu à a legi liturali pà parmetta a criazioni di un centru di scumpartimentu meccanicu è biologicu in Tallone, u diputatu di Corsica Suprana vulia cunnoscia a pusizioni di u guvernu di pettu à ssa situazioni d'urghjenza. Postu chì ùn c'era micca Ségolène Royal, hè u Secretariu di Statu in carica di i Trasporti, di u Mari è di a Pesca, liata à a ministra di l'Eculugia, di u Sviluppu durevuli è di l'Energia chì hà rispostu à Paul Giacobbi. S'ellu hà incalcatu annant'à l'accumpagnamentu nicissariu di u Statu cuncirnendu u cartulari di i rumenzuli à cortu ma dinò à longu andà, Alain Vidalies, com'è Ségolène Royal calchì mesi fà, hà dumandatu à l'eletti corsi di pighjà i so rispunsabilità pà truvà una suluzioni in cumunu.

Steti à senta à Alain Vidalies.